KALIBO, Aklan — Pitong “lady boy” ro gin-aresto it pulisya sa ginpatigayon nga operasyon bandang alas-2:00 it aga-aga sa frontbeach sa Station 2 sa Barangay Balabag sa isla it Boracay.
Suno kay P/Major Jess Baylon, hepe it Malay Police Station nga gindaea ro mga “lady boy” sa presinto para sa profiling ag insigida man nga ginpahilway matapos hambaean it andang saea.
Ro tikang hay kasunod it mga nabaton nga reklamo sa gina-alegar nga pagpangloko ag pagpamentaha it mga miyembro it LGBTQ+ community eabi eon sa mga dumueuong nga turista.
Tuyo kara nga epektibong maipatuman ro municipal ordinance no. 60-2002 nga nagabawae sa anumang klase it prostitusyon sa isla.
Ginasugid nga ro nasambit nga mga lady boy hay nagatanyag it hingalit nga kalipay eabi eon sa mga dumueuong nga turista ag kun amat hay ginatakawan pa ro andang mga customer.
Apang , kon amat sigon hay nagapang-harass ro mga raya sa owa naila nga magpatos kanda.
