National News———Uman nga ginpahayag it Commission on Elections (Comelec) nga extendable pa ro 7 p.m. deadline it pagboto sa adlaw it eleksiyon sa Mayo 9.
Ginpahayag ni Comelec Spokesperson James B. Jimenez nga ro botohan hay maghalin alas-6 sa agahon hasta alas- 7 sa gabi-e apang puweding mag-extend sigon hasta nga may nakapila pa.
Dugang pa ni Jimenez nga ro mga botante nga nakapila para magboto sa may 30 metro maghalin sa polling precincts hay pagapasugtan sa gihapon nga magboto.
Nauna kara, ginpahayag it Comelec nga bukon it kinahangean nga magdaea it vaccination cards, face shields, ag RT-PCR test results ro mga botante agud nga sanda hay makaboto.
Ginpahayag man it poll body nga maskin ro mga bukon it bakunadong botante hay pagapasugtan nga magboto sa Mayo 9, nga gina-insister nga ro kinamatarong sa pagboto hay sangka kinamatarong sa konstitusyon.
