Pito ro nailistang namatay sa probinsya it Rizal samtang sambilog ro gina usoy bangod sa pagdaeasa it bagyong Enteng. Sa nasambit nga numero, an-om ro napabalita nga namatay sa magkaseparadong barangay sa Antipolo City.
Una kara hay ro nahugos nga parte it Sitio Hinapao, Barangay San Jose kung siin natabunan it eugta ro pilang kabaeayan ag daywang magmaeanghod nga eaeaki ro napabalita nga namatay kaibahan ro sangka nabdos nga babaye nga andang kaeapit baeay.
Daywa man ro napabalita nga namatay sa Barangay San Luis ag sambilog sa Barangay San Isidro nga naeumos, samtang sambilog man ro ginausoy sa Barangay Sta. Cruz nga inanod it baha.
Suno sa Rizal Police Provincial Director, PCol. Felipe B. Maraggun, ginsugid kara nga sambilog man nga eaeaki ro naeumos sa San Mateo. Suno kay PCol. Maraggun, indi man maagyan ro boundary it Cainta ag Marikina sa Sumulong Highway.
Nagtuga man ro nasambit nga bagyo it brownout, paglandslide ag pagbaha sa maabong probinsya.//
