KLIBO, Aklan — Agud nga makabawi sa pagtama it African Swine Fever ukon ASF virus ag red tide toxin sa probinsya it Aklan, ginpahayag ni Pangueong Ferdinand Marcos Jr. nga magataeana sigon ro Department of Agriculture ukon DA it P30 milyon pesos nga bulig agud nga uman nga mapabaskog ro produksyon it baboy kamana man ro mga seafoods kaparehas it tahong, taeaba ag maabong iba pa.
Mag-eowas kara, ginmando man it punong ehekutibo ro pagpaguwa it kueang-kueang P13 bilyon pesos nga pondo para sa Rice Farmers Financial Assistance Program.
Sa idaeom it nasambit nga programa, magataeana it kapin sa P5,000 pesos nga financial assistance sa mga benepisyaryong mangunguma para makabulig sa andang pagpanguma sa tunga it pagtama it El Niño Phenomenon sa nasyon.
Nasayuran nga maeapad nga kaeanasan ro uwa naumhan makaron nga cropping season bangud sa kawad-an it supply it tubi.
Bangud kara, maabong mga mangunguma ro apektado.
