Ginakabig nga fake news ro nagaeapta sa social media nga sangka post it Brgy. Tambak, New Washinton Aklan angot sa attempted kidnapping sa lugar.
Suno kay PLt. Theresa Grace Reynaldo, Deputy Chief of Police it New Washington Municipal Police Station, ku Pebrero 27 it agahon, may nag adto sa andang taeapatan para magparekord it insidente nga panghana nga pagpangidnap sa Brgy. Tambak. Base sa ginparekord it nanay it 18-anyos nga nagasugid nga ginahana na kidnapon, ku Pebrero 26 it gabie samtang sanda hay una sa guwa it andang baeay kaibahan ro anang unga, may gulpi eamang nga nag pundo nga puea nga pick up truck sa andang atubang ag gintueok ro unga.
Bangud sigon sa kakibot ag kahadlok it unga sa panueukon it drayber, dumaeagan raya pasueod sa sangka laundry shop para magpanago. Base sa istorya it nanay, uwa sanda it na-analisa nga krimen nga natabo, apang gin advice lang it taeatapan nga magparekors sa andang barangay.
Sandig sa instruction it Chief of Police it New Washington MPS, nagconduct sanda it back tracking ag review of cctv footage sa lugar it insidente. Gin request sigon nanda ro footage sa sangka establishimento maeapit sa lugar para mareview ag nasayuran nga uwa it ebidensya ag footages nga may puea nga pick-up truck nga nag-agi sa lugar sa ginasugid nga oras. Uwa it ebidensya nga makahambae nga may natabo nga panghana nga pagkidnap sa lugar.
Paathag man ni PLt. Reynaldo nga bangud sa natabo, mas ginpahugot nanda ro mga police operation sa andang lugar.
