Gin-umpisahan eon it Commission on Elections (Comelec) ko Abril 13 ro tyempo it botohan para sa 2025 midterm elections para sa mga rehistradong Filipino overseas voters.
Raya hay hasta sa Mayo 12 it alas-7:00 man it gabie kadungan sa pagtapos it tyempo it pagbotohan sa Pilipinas.
Ginsarado ro test voting para sa mga rehistradong overseas voters nga naka-enroll sa Online Voting and Counting System ko adlaw it Sabado, Abril 12, oras sa Pilipinas.
Kasunod it pagsarado it test voting period, nag-umpisa eon man ro opisyal nga overseas voting period.
Angot kara, gin-engganyo ni Bombo International News Correspondent Dennis Nama-Rata it Kuwait ro mga kaparehong overseas Filipinos nga magpasakop sa midterm elections ag i-practice ro kinamatarong nga magboto.
Ginpadumdom man nana ro mga raya nga pilion ro tamang lider nga igabutang sa pwesto para sa kapakanan it nasyon nga magadumaea it maayos sa tags aka komunidad.
Nasayuran nga kapin sa 1.231 milyong botanteng Pilipino ro may-una sa nagkaeain-eain nga nasyon.
Apang, sa ulihing datos nga ginpaguwa it Comelec ko Abril 11, 48,000 overseas Filipino voters pa eamang ro naka-enrol sa pre-voting enrollment system para sa 2025 midterm elections.
