Haeos napueo nga bueawang medalya sa pang-5 adlaw it Palarong Pambansa 2025 nga ginahiwat sa Ilocos Norte ro naangkon bukon eang it Aklanon athlete kundi pati eon man ro bilog nga Western Visayas.
Suno kay Charlie Ureta, sports division officer it Departement of Education (DepEd) Aklan nag ro nagapnagunang contributor hay ro nag overall champion nga Pencak Silat team. Nakakuhit man sigon si Nuche Ibit it tatlong bueawang medalya sa swimming kun siin nakaangkon man imaw it record breaking swim sa freestyle. Ulihi eon lang sigon nga hampang nga may atletang aklanon hay ro sepak takraw kun sa siin nakuhit man nanda ro kampyonato.
Ginpaathag man ni Ureta nga bangud sa medjo aeang-aeang ro budget, ginpakamayad eon lang nanda nga itravel by land ro mga atleta halin Ilocos Norte paadto sa NAIA terminal.
Dugang pa nana nga may ginaistoryahan eon nga pagahiwaton nga heroes welcome sa mga atleta eabi eon ag nagapanguna ro Aklan sa pag contribute it gold medals sa WVRAA. Pang-12 sigon ro Division of Aklan sa bilog nga Pilipinas sa may pinakaabo nga gold.
Sa makaron uwa pa sigon it schedule ag ginakonsulta pa ro nagkaeain eain nga taeatapan.
Suno pa kana nga ro palarong pambansa hay madja qualifying round man para sa ASEAN school games ag ginaeauman man nga may mapadaea nga mga atleta mag halin sa probinsya.
