Mapaiway ro pagbukas it klase it 738 public schools sa ap-at nga rehiyon sa nasyon nga gintaeana sa Hulyo 29 (Lunes) bangud sa mga kasamaran nga gindaea it Habagat ag bagyong Carina, suno sa Department of Education (DepEd).
Ginpahayag eun man ni DepEd Secretary Sonny Angara nga indi nana piliton nga magbukas it klase ro mga naapektuhan nga eskwelahan.
Sa anang post sa X ku Biyernes, sinambit nana ro datos halin sa Second Congressional Commission on Education (EDCOM 2) nga nagapakita nga ro mga estudyante hay namiss ro ginatantya nga 53 adlaw it pagturo halin sa 180-adlaw nga school year ku nagtaliwan nga school year, bangud eun man sa mga weather-related events.
Sa datos halin sa disaster risk reduction and management service it DepEd nga ginapakigbahin ku Biyernes, una sa 246 nga eskwelahan ro ginbaha bangud sa pagnaeasa it bagyo ag ku habagat, samtang indi magnaba sa 64 nga eskwelahan ro ginagamit bilang evacuation center.
Nauna eun nga ginpahayag ni Angara nga samtang ro pilang mga eskwelahan hay kinahang-ean ipaiway ro andang pag-umpisa it klase agud matapos ro paglimpyo, ag indi imaw magdeklara it postponement it mga klase agud sugtan ro mga eskwelahan nga may minimal hasta zero nga kasamaran nga magpadayon kapareho it gintaeana.
Ku Hulyo 25, una sa 90 eskwelahan ro nasamad nga nagakinahang-ean it haega nga P630 milyon para sa pagsaayos.
