Nakabalik eon it nasyon ro dugang nga 75 nga mga pinoy halin sa Lebanon bilang 91st batch it mga repatriated Overseas Filipino Workers (OFW’s) bangud gihapon sa nagapadayon nga kinagamo sa Middle East.
Ginpasiguro ni Department of Migrant Workers Secretary Hans Leo Cacdac nga ro tanan nga mga OFW’s halin sa Lebanon hay nag-abot it eowas sa Ninoy Aquino International Airport (NAIA), adlaw it dominggo.
Makabaton it bulig halin sa gobyerno kaparehas it Department of Migrant Workers ag dugang nga bulig halin sa Department of Social Welfare and Development (DSWD) ro mga raya kaparehas it financial ag livelihood assitance para makaumpisa it uman iya sa Pilipinas.
Makabaton man sanda it mga educational vouchers halin sa Technical Education and Skills Development Agency (TESDA) para sa mga skillset nga kinahang-ean nanda nga matun-an.
Samtang, padayon ro repatriation program it national government para sa mga OFW’s nga naigpit sa kinagamo sa middle east.
