Waeong katawo ro namatay ag 17 nga iba pa ro naninahan matapos ro sangka insidente it pagpamuno sa guwa it sangka eskwelahan sa Wuxi Yixing Arts and Crafts Vocational and Technical College sa syudad it Wuxi sa nasidlangan nga bahin it China.
Ro ginaturo nga suspek hay dating estudyante it nasambit nga eskwelahan kon sa siin sa pag-imbestiga it pulisya, ginpatigayon ro pag-atake matapos mapas-eawan imaw nga makabuoe it diploma bangud sa manabang resulta it eksaminasyon ag bangud eon man sa anang pagka-dismaya sa manabang bayad sa internship.
Nasayuran nga ro nasambit nga insidente hay natabo pilang adlaw eamang matapos ro trahedya ko adlaw it Lunes, kon sa siin 35 katawo ro namatay kat magmaneho ro sangka eaeaki ag gin-arado ro mga tawo sa sangka stadium sa syudad it Zhuhai sa nasambit nga nasyon.
