NATIONAL News — Nag-abot sa 80 nga dating rebeldeng komunista ro nagpanumpa it andang pagbalik sa sabak it gobyerno.
Ro nasambit nga seremonya hay ginpatigayon sa probinsya it Aurora suno sa Department of the Interior and Local Government (DILG).
Samtang, ginapangunahan raya it 91st Infantry (Sinagtala) Battalion, kaibahan ro Office of the Presidential Adviser on Peace, Reconciliation, and Unity (OPAPRU).
Suno sa DILG, ro signing of allegiance natabo sa Barangay Ipil sa banwa it Dipaculao, kun sa siin nagtambong ro mga dating rebelde sa nasambit nga seremonya pinaagi sa pagsunog it mga bandera it Communist Party of the Philippines-New People’s Army-National Democratic Front (CPP-NPA-NDF), nga ginapahayag simbolo it andang pagsikway sa ideolohiya it komunista nga grupo (CTG).
Ginpahayag ni DILG Aurora Provincial Director Ener Cambronero nga ro nasambit nga aktibidad hay nagapakita it dedikasyon it gobyerno sa pagtinguha nga makatukod it kalinong sa nasyon.
