KALIBO, Aklan—Agud nga mapahauman ro pagbukas it isla it Boracay sa International tourists, handum it Department of Tourism ag lokal nga gobyerno it Aklan nga maabot ro 100% nga residente ag mga tourism workers nga mabakunahan kontra COVID-19.
Suno kay Felix Delos Santos Jr., Chief Tourism Operations Officer nga sa makaron hay haeos 85% eon it mga tourism workers ro nabakunahan sa isla.
Ginpahayag dugang nga agud nga makabawi ro ekonomiya hay importante man nga makabangon ro industriya it turismo.
Sa makaron suno kay delos santos hay haeos 289 nga hotels and resorts ro gintaw-an it Certificate of Authority to Operate nga bastante sa 300 hasta 400 nga vistitors arrival kada adlaw sa isla.
Apang ro nasambit sigon nga numero it mga turista umpisa nga buksan ro boracay ko setyembre 8 kat ginpaidaeum ro aklan sa GCQ hay mas manaba kumpara sa nailistang 1,000 tourist arrivals per day ko hulyo antes nga ginbutang sa MECQ ro probinsiya.
Nasayuran nga umpisa ko sept 16 hay pormal eon sanda nga nagbaton it mga turista halin sa NCR.
Umpisa Setyembre 1 hasta 19, ro visitors arrival sa Boracay hay nag-abot eon sa kapin sa 1,616 nga kaabuan hay naghalin sa NCR nga may 954.
Ginsundan it taga Western Visayas nga may 250 ag Central Luzon nga may 145.
