Kapin sa siyam nga katawo ro patay matapos ro pagbuhos it heavy snow sa Hokkaido, Japan.
Suno sa Japanese self-defense force troops, kaibahan sa mga biktima ro sangka eaeaki nga nasapwan nga nakaputos ro eawas sa anang unga agud nga mapabilin ro mainit nga temperatura.
Sa pahayag it mga otoridad, delikado ro masyadong maeamig nga temperatura nga presenteng na-eksperyensyahan sa andang nasyon.
Ginatos man nga mga saeakyan ro na-stranded sa tunga it karsada bangud sa madamoe nga yelo kamana man nga napaiway ro biyahe it mga tren samtang nawad-an it suplay it kuryente ro maabu nga residente.
Sa makaron, padayun nga nagapatigayun it operasyon ro mga volunteer para magpanupod it pagkaon ag iba pang kinahang-eanon it mga pamilya eabi eon sa mga na-stranded sa sueod it andang behikulo.
