9 nga buean nga eapsag, nahueog sa bintana

KALIBO, Aklan — Naninahan ro sangka siyam nga buean nga eapsag nga babaye nga nahueog halin sa gina-obra nga bintana sa ikaywang panaegan it andang baeay sa Brgy. Tul-ang, Ibajay, Aklan.

Mag-eowas sa mga gasgas hay nag-angkon it mabahoe nga bukoe sa ueo ro unga.

Suno sa ina it eapsag nga nagpamalibad nga magpasambit it pangaean nga owa nana napan-uhan nga nakakamang eon paagto sa gina-obra nga bintana it andang baeay ag aksidenteng eumusot ag nahueog.  

Nakita eon lang it ina nga nagatangis ro biktima sa ubos sa guwa it andang baeay.

Padayun raya nga gina-obserbahan sa Aklan Provincial Hospital ag nakataeanang igapaidaeum sa CT scan examination.