Nakalista it 98.39% nga match rate ro poll watchdog nga Parish Pastoral Council for Responsible Voting (PPCRV) sa andang ginpatigayun nga kaugalingon nga vote count para sa eleksyon makaron nga dag-on.
Raya ro resulta it andang ginpatigayun nga manual audit sa second batch it mga encoded physical copies it election returns nga buyot nanda ag it electronically-transmitted results nga andang nabaton halin sa transparency server it Commission on Elections (Comelec).
Sa mga datos nga nabuoe it PPCRV hay makit-an gihapon ro pagpanguna nanday presumptive president ag vice president Ferdinand “Bongbong ” Marcos Jr. ag Sara Duterte-Carpio.
Kaibahan eon kara ro 28.5% ukon 30,727 nga kabilugan nga numero it mga election returns (ERs).
Ro PPCRV ro kabulig it Comelec sa hugut nga pagbantay sa eleksyon kung siin hay nababaton kara ro ika-ap-at nga pre-transmission physical copies it mga election returns nga naga-agi sa double-blind system kung siin daywang parte it mga encoder ro naga-audit sa parehong batch it mga ER.
