KALIBO, Aklan—Ginklaro ni PROVICIAL FIRE MARSHALL Nazrudyn Cablayan it BFP Aklan nga naka-strict home quarantine makarun ro tanan nga mga personnel it Bureau of Fire Protection ukon BFP-Aklan nga may close contact sa sangka babayeng bumbero maghalin sa syudad it Ilo-ilo nga nagpositibo sa coronavirus disease ukon COVID-19.
Suno pa kay Cablayan nga ginapatuman makarun sa andang mga opisina ro skeletal force kung sa siin umpisa it lunes hasta huwebes hay sambilog eamang ro naka-duty.
Dugang pa kara nga owa it dapat ikahadlok ro mga pomoeuyo sa mga nakikita nga empleyado it BFP sa guwa it opisina bangud raya hay owa it close contact sa dating Regional Director it BFP Region 6 nga si Fire Sr. Supt. Roderick Aguto.
Sa makarun hay nagpaidaeum sigon imaw sa home quarantine kaibahan ro iba pang mga personnel nga nakaangkon it close contacts sa nasambitan nga bumberong nagpositibo sa COVID-19. Nagapabilin man sigon imaw nga asymptomatic apang hugot nga ginasunod ro health protocol it IATF.
