KALIBO, Aklan—Kaibahan ro mga pinoy frontliners sa mga nakabaton eon it 2nd dose it libreng bakuna kontra COVID-19 nga hatud it gobyerno it Texas sa Estados Unidos.
Suno kay Bombo International Correspondent Rhodora Tonel Elizondo, tubong Brgy. Bacan, Banga, Aklan ag presenteng manugturo sa Mc Allen, Texas nga kaabuan sa Filipino community sa andang lugar hay mga manugturo ag medical health workers rason nga kaibahan sa mga naunang naturukan it bakuna nga halin sa moderna.
Raya hay bilang proteksyon man suno kana sa pag-umpisa it andang face to face classes bilang Math teacher ag head tennis coach sa McAllen Memorial High School.
Sa pihak nga parte, malipayon man nga ginpakigbahin ni rhodora nga imaw ro kauna-unahan nga Asian nga nakasueod sa top 4 it Remarkable Women for 2020 finalists it sangka mabahoe nga TV network sa US.
Sa Abril 1 sigon kara masayurann ro resulta ag may premyo nga 1,000 US dollars.
