KALIBO, Aklan—Balik operasyon eon ro mga taeatapan it lokal nga gobyerno it Kalibo matapos ro pilang adlaw nga pagpaidaeumn sa lockdown it munisipyo.
Raya ro ginpahayag ni Executive Assistant to the Office of the Mayor Mr. Basil Tabernilla.
Suno kay Tabernillla nga balik eon sa normal nga transaksyon ro tanan nga mga opisina sa sueod it munisipyo apang nagtaeana anay it skeleton force kun sa siin pila sa mga empleyado hay naka-work from home.
Sangka memorandum man ro ginpaguwa ni Kalibo mayor Emerson Lachica nga obrahon nga online ro application for occupational business permit bilang kaparte it new normal ag mapadasig ro proseso pinaagi sa pag-type it https://kaliboaklan.gov.ph.
Madumduman nga umpisa ko Marso 3 hay nag-umpisa ro lockdown ag nagtapos makaron nga adlaw it Lunes, Marso 8 sandig sa Executive Order nga ginpaguwa ni Mayor Lachica agud nga taw-an it daean ro disinfection.
Ginpatigayon ro lockdown kasunod it pagpositibo sa COVID-19 it 6 nga mga empleyado it munisipyo nga nagatrabaho sa Mayor’s Office.
