KALIBO, Aklan—Nagapabilin nga owa it inbound travel ukon mga pasahero nga ginapasugtan nga makasueod sa probinsiya it Aklan pinaagi sa Kalibo International Airport.
Raya ro ginklaru ni Engr. Eusebio Monserate Jr., Manager it Civil Aviation Authority of the Philippines ukon CAAP-Aklan kasunod it gin-extend nga region-wide moratorium sa mga inbound travel.
Madumduman nga gin-aprubahan it National Inter-Agency Task Force Against Covid-19 ro hinyu it mga gobernador ag mayors sa bilog nga region 6 nga ibawae anay ro pagbaton it mga biyahero halin sa National Capital Region (NCR) ag mga kaiping nga probinsiya it Laguna, Rizal, Bulacan ag Cavite kamana man sa Cebu ag Davao umpisa abrl 13 hasta abril 19, 2021 agud nga matapna ro local transmission bangud sa pagtinaas it kaso it COVID-19 sa NCR.
Samtang, ginklaru dugang ni Engr. Monserate nga ro mga outbound travel ukon mga pasahero halin sa aklan paagto sa manila hay ginapasugtan.
Ro mga flights suno kana nga halin sa Manila hay ginakabig nga cargo flight samtang ro halin sa aklan hay passenger ukon commercial flight
Sa kamatuoran suno kana hay nakibot ro pilang airline companies bangud sa maabu nga mga pasahero para sa outbound travel nga naga-average it masobra sa 60 nga katawo.
Ro flights suno kana para sa outbound travel hay daywang beses sa sang adlaw.
Bangud sa pabag-o bag-o nga desisyon, gin abisuhan ni engr monserate ro mga pasahero nga pirmeng makipag angot sa andang airline companies para sa estado it andang scheduled flights.
