KALIBO, Aklan–Nagapenitensiya sa gihapon makarun ro mga pomoeuyo sa pilang estado it United States bangud sa kakueangan it suplay it kuryente umpisa nga nagpanaeasa ro category 4 hurricane Ida.
Suno kay Bombo International Correspondent Greg Aguilar it California U.S.A nga hasta makarun hay maabong mga apektadong panimaeay ro nagatiis sa gihapon nga owa it electric supply.
Samtang ginabana bana man nga kapin sa 50 eun ro namatay bangud sa insidente kung sa siin 25 sa mga raya hay maghalin sa New Jersey nga kaabuan hay namatay samtang na-trap sa andang saeakyan sa katung-anan it pagbiyahe sa daeanon.
Madumduman nga naunang tumama ro hurricane Ida sa parte it Louisiana nga nagresulta man it maeawigan nga pagkaduea it suplay it kuryente sa haeos 1 milyong mga panimaeay.
Sa makarun suno pa kana hay may ginabantayan pa sandang panibag-ong hurricane nga ginpangaeanang hurricane Larry nga posibleng tumama sa east coast it Unites States.
