KALIBO, Aklan–Agud mas pang ma-engganyo ro publiko nga magpabakuna kontra Coronavirus Disease ukon COVID-19, nagpatigayon it paindis-indis ro Philippine College of Physicians (PCP) ukon PCP-Capiz-Aklan chapter.
Raya hay sangka inter-school competition kung sa siin ro tema hay may kaangtanan sa COVID 19 Vaccination.
Suno kay Dr. Danny Portes, Board of Director, PCP Capiz-Aklan Chapter nga tuyo it nasambitan nga kompetisyion nga makapaabot it nagakaigo nga impormasyon sa publiko may kaangtanan sa importansiya it pagbakuna ag ro maibulig kara sa sangka indibidwa makarun nga tiyempo it pandemya.
Dugang pa kara nga mabahoe man ro impact it mga pamantan-on pag-abot sa pagpa-eapta it tama nga impormasyon ag masugpo ro pagkalhit it saea nga pagpati it publiko angot sa covid-19 vaccination.
Sa makarun hay may una eun nga 11 ka mga finalist ro nasambitan nga kompetisyon.
