KALIBO, Aklan—Hugut nga ginpamalibaran ni Kalibo Mayor Emerson Lachica nga may kasayuran imaw sa gina-alegar nga ginapalibot nga pormas nga may tatak nga Philippine Statistics Authority ukon PSA sa kabarangayan nga ginapa-fil-apan sa mga pumueuyu agud nga makabo-oe it ATM card nga ginasugid nga may sueod nga 2,000 pesos.
Suno sa alkalde nga makabig raya nga fake news ag pagpataeang eamang sa mga tawo.
Nagapati man imaw nga raya hay sangka klase it demolition job kontra kana sa nagahilapit nga eleksyon agud nga samaran ro anang pagkatawo ag ro anang posisyon bilang alkalde it banwa.
Padayun pa sigon ro andang pagtumod kon sin-o ro sa likod kara.
Sa pihak nga parte, kasunod it pagpatuman it general community quarantine ukon GCQ sa Aklan, ginpahayag ni mayor lachica nga ro mga may travel pass eamang nga pirmado it natungdan nga alkalde it kada banwa ukon authorized representative ro pagakilaeahon sa kalibo border management teams.
Raya hay matapos ginkasugtanann sa pueong it provincial inter agency task force nga 50 nga ka non-essential workers eamang kada banwa ro pagapasugtan nga makasueod sa banwa it Kalibo.
Sa pihak nga parte, ginpahayag it alkalde nga mabuhay eon nga gin-proponer it committee on transportation it sanggunang bayan it Kalibo nga dugangan ro pwedeng makasakay nga pasahero sa mga tricycle agud nga madugangan man ro andang kita, apang raya hay pending pa sa pag apruba it Provincial IATF.
