Gusto ni incoming Migrant Workers Secretary Susan Ople nga maka-angkon it joint agreement sa tunga it Department of Labor and Employment (DOLE) para malikawan ro overlap sa awtoridad.
Ginpahayag ni Ople nga nakipag-istorya eon imaw kay incoming Labor chief Bienvenido Laguesma para magbilog it joint department order nga magaklaro kung aling departamento ro may hurisdiksyon kung magasubeang ro mga isyu it OFW ag labor.
Mataeopangdan nga ku nagtaliwan nga Abril, nagka-initan ro Department of Migrant Workers (DMW) ag DOLE sa deployment it mga magatrabahong Pilipino sa Saudi Arabia, nga nagtuga it pagtaeang sa mga OFW.
Nauna eon mang gin-aprubahan ni Pangueong Rodrigo Duterte ku nagtaliwan nga Disyembre 2021 ro pagbilog it DMW, sangka departamentong nakatutok eamang sa seguridad it mga migranteng magatrabaho ag Pilipino sa ibang nasyon.
