Kun pagabasehan ro consumer response angot sa price increase sa mga baeak-on, ginpahayag it Department of Trade and Industry (DTI) nga sa pangkabilugan hay naintindihan raya it mga bumaeakae.
Ginpahayag ni DTI Undersecretary Ruth Castelo nga maskin nga naga-aray ro mga consumers bangud sa mataas nga presyo it pilang commodities, naeubtan man sigon it mga natungdan kun siin raya nagahalin.
Sakop sigon it oil price hike ro basic commodities rason nga sa tiempo nga may increase sa produktong petrolyo, siguradong kasunod kara hay ro pagtaas sa presyo it pilang prime commodities.
Ginpahayag ni Castelo, nasayuran eon raya it publiko rason nga bukon eon sigon it mabudlay nga maintindihan partikular it mga consumers ro pagtaas sa presyo it mga baeak-eon.
Sa atubang kara, ginpasiguro ni Castelo nga hugut ro andang gina-obra nga pagbantay sa presyo it prime commodities ag andang ginapatuman ro Suggested Retail Price ukon SRP.
