Uwa ginkumpirma ukon ginpamalibaran ni Atty. Martin Delgra kon sambilog imaw sa daywang Pilipinong magabulig sa defense team ni dating Pangueong Rodrigo Duterte.
Sa sangka interview kay Delgra sa The Hague Netherlands, nakutana ro abogado kon kaparte baea raya sa defense team, apang uwa man nana raya ginkumpirma ukon ginpamalibaran it abogado.
Nakutana man imaw kon anu ro anang katuyuan sa pag-adto mismo sa The Hague, sabat it batikang abogado, kaparte eamang raya it suportang ginapakita sa dating Presidente it Pilipinas.
Bago raya hay ginkumpirma it lead counsel it defense team it dating Presidente nga si Nicholas Kaufman nga may unang Pilipino nga magiging kaparte it team nga magadepensa sa dating Presidente sa anang ginapangatubang nga kaso sa International Criminal Court (ICC).
Ro nasambit nga team hay pagabilugon it limang mga miyembro.
Sa pihak kara, gin-insister ni VP Sara Duterte nga kinahang-ean it Pilipinong abogado sa defense team it dating Presidente agud nga imaw ro magapanguna sa pagpaathag sa mga laye it Pilipinas sa ICC.
