Magatingob puwersa ro Philippine Coast Guard (PCG), United States Coast Guard, ag Japan Coast Guard para sa limang adlaw nga trilateral maritime exercise sa Kagoshima, Japan, halin Hunyo 16 hasta Hunyo 20.
Maga-intra ro BRP Teresa Magbanua, sangka 97-meter multi-role response vessel it PCG, sa pagensayo.
Sangka send-off ceremony ro nakataeana sa Hunyo 6 antes raya mag byahe paadto sa Japan, kun siin raya ginaeaumang maabot sa Hunyo 12, kadungan it Araw ng Kalayaan it Pilipinas. Raya ro pangaywang pag-ensayo it tatlong nasyon, nga unang ginpatigayon sa Mariveles, Bataan ku Hunyo 2023.
Kaibahan sa mga aktibidad ro paglibot sa mga pasilidad, mutual visits sa patrol vessels, maritime meetings, ag capacity-building exercises.
Suno sa PCG, ro pag-ensayo hay parte it sugo ni Pangueong Ferdinand Marcos Jr. nga pabaskugon ro kapasidad it Coast Guard ag magtatag it mas matibay nga kooperasyon ag tiwala sa mga international counterparts. Tuyo man kara nga pabaskugon ro diplomatikong relasyon ag maritime cooperation para sa sangka rules-based order.
