Pormal eon nga nagsumite it entry of appearance ro mga abogado ni Vice President Sara Duterte para sa anang impeachment trial, suno sa kumpirmasyon it tagapaghambae it Senado.
Suno kay Atty. Reginald Tongol, tagapaghambae it Impeachment Court, nabaton it Senado ro dokumento halin sa Fortun Narvasa & Salazar law firm ku adlaw it Lunes, alas-5:03 it hapon.
Dugang pa kara nga ro Office of the Secretary of the Senate ro nagbaton kara bilang clerk it impeachment court.
Kaibahan sa mga abogado ni Duterte sanday Philip Sigfrid Fortun, Gregorio Narvasa II, Sheila Sison, Carlo Joaquin Narvasa, Roberto Batungbacal, Justin Nicol Gular, Lindon Miguel Bacquel, David Ronell Golla VII, Maria Selena Golda Fortun, Clarlaine Radoc, Francesca Marie Flores, Miguel Carlos Fernandez, Michael Wesley Poa, Reynold Munsayac, Mark Vinluan, ag Ralph Bodota.
Uwa pa sa makaron it pahayag halin kay VP Sara Duterte angot sa bag-ong yugto it proseso it impeachment.
