KALIBO, Aklan — Nagtapos eon ro pagpanaeasa it maeapnagon nga winster storm nga ginbansagan nga monster storm sa mabahoe nga parte it Estados Unidos nga nakalista it record breaking nga pagbagsak it snow sa haeos tanan nga mga estado sa nasidlangan ag nabagatnan nga parte it nasambit nga nasyon.
Apang suno kay Bombo International News Correspondent Pinoy Gonzales it Houston, Texas nga sa pihak kara, indi gihapon makaguwa ro mga tawo sa andang mga baeay bangud sa grabe kaeamig nga paniempo.
Base sa report, nag-abot sa 6 ro namatay nga kaabuan hay bangud sa hypothermia.
Ro monster storm hay nagtuga it naga-yelong uean, mabug-at nga snow ag madanlog nga karsada.
Nagsarado suno kana ro mga paeuparan ag highway, ag masobra sa sang milyon nga residente ro naduea-an it kuryente samtang nagabaskog ro bagyo.
Masobra sa 16,000 nga flight ro ginkansela sa bilog nga nasyon, kun sa siin sa makaron hay ginatinguhaan nga mabutangan it asin ro mga apektadong lugar agud nga madasig nga matunaw ro yelo.
Samtang, ginpahayag ni Gonzales nga preaparado ro gobyerno ag ro mga pumueuyu sa pagtama it bagyo .
Ginaeauman nga magabuhay pa ro sobrang eamig hasta makaron nga domingo.
