Nag-apela it pangamuyo ro sangka Aklanon overseas Filipino worker sa Dubai, United Arab of Emirates matapos masaksikan mismo ro nagaeopad nga missile sa ibabaw it building nga anang ginatrabahuan.
Suno kay Bombo International News Correspondent Maricel Francisco, tubong Brgy. Tigayon, Kaibo, tuman nga ka-koeba ro anang nabatyagan sa kada makabati it pagsigabong bangud nga nagauyog mismo ro baeay it anang amo ag sa sueod it napueong minuto hay makapilang beses mag-alarm ro ana nga cellphone nga senyales nga may nagapaabot eon man nga missile nga inde masayran kon halin raya sa Israel ukon Iran.
Ro Dubai suno kana hay medyo maeapit sa Iran rason nga inde malikawan nga magkabaeaka ro iba pang OFW’s sa lugar.
Suno pa kana, may ibang OFW’s sigon ro naghambae nga kinahang-ean eon nanda nga magpangayo it bulig sa gobyerno it Pilipinas agud nga makauli bangud sa bukon eon it eowas ro andang kahimtangan.
Sa ana mat-a sigon nga bahin hay ginpasiguro it anang amo nga eowas sanda sa sueod it baeay ag magabakwit man ro mga raya engkaso nga bukon eon it eowas ro andang sitwasyon.
