Ginaboeobanta nga 6.5 milyon nga mga pasahero ro ginaeauman nga magabuhos sa 44 nga mga commercial airports it Civil Aviation Authority of the Philippines (CAAP) makaron nga Semana Santa.
Ginpahayag ni CAAP Spokesperson Eric Apolonio nga ginaeauman nga mai-record ro nasambit nga numero umpisa makaron nga adlaw it Sabado, Marso 28 hasta sa Abril 5.
Ko nagtaliwan nga dag-on, nakalista it 18% nga pagtaas sa 6 milyon nga kabilugan nga numero it mga pasahero ko Semana Santa, kumpara sa 5.1 milyon ko 2024.
Samtang, ginpasiguro man ni Immigration Deputy Spokesperson Melvin Mabulac nga haum ro ahensya para sa pagdagsa it mga inbound ag outbound passenger makaron nga Holy Week.
Suno kana nga plano nanda nga dugangan ro numero it mga entrance gate agud nga mas mapatawhay ro pagbyahe it mga pasahero.
Ginpadumdum man ni Mabulac sa mga byahero nga mag-agto sa airport sa indi magnaba sa tatlong oras antes ro andang mga flight.
