Nakataeang magbalik ro Philippine tennis star nga si Alexandra ”Alex” Eala sa Mutua Madrid Open sa Spain matapos ro sunod-sunod nga pagka-piyerde sa anang clay-court campaign.
Ro world No. 45 nga si Eala hay nakataeanang sumabak sa anang ikatlong clay tournament umpisa sa Abril 21, 2026.
Tuyo makaron it 20-ayos nga si Eala nga makabawi matapos ro kapiyerdihan sa anang pagsabak sa Linz Open ag Stuttgart Open.
Sa Stuttgart Open, napiyerde si Eala sa Filipina-Canadian player nga si Leylah Fernandez sa iskor nga 1-6, 4-6.
Sa pihak kara, nakapukaw imaw it atensyon matapos naghana nga makabawi sa second set nga nagpaeapit it anang score antes eubusan nga napiyerde si Fernandez.
Bago kara, napiyerde man si Eala sa Round of 16 it Linz Open kontra kay Jelena Ostapenko sa iskor nga 4-6, 5-7, matapos ro nauna nana nga pagdaog sa opening round.
Sa pihak it mga pagkapiyerde, nakabo-oe gihapon imaw it premyong €11,309 ukon masobra sa P797,000 sa Stuttgart Open.
Gindayaw man it kampo ni Fernandez, ro determinasyon ni Eala nga owa basta-basta nga nagsurender sa hampang eabi eon sa anang pag-eagas sa second set.
Ro Madrid Open hay ginakabig nga sambilog sa pinakamabahoe nga WTA 1000 tournaments sa clay surface, kun sa siin tuyo ni Eala nga makabawi ag maibalik ro anang manami nga posisyon.
