Uman nga napas-eawan si Filipina tennis star Alex Eala nga makasueong sa sangka WTA tournament matapos mapiyerde kay Chinese qualifier Shi Han sa Wuhan Open sa China, gabi-i it Lunes.
Nagtapos sa 6-4, 3-6, 3-6 ro hampang pabor kay Shi sa round of 32 nga ginpatigayon sa Dongfeng Voyah Center Court.
Nadag-an ni Eala ro unang set, apang nakabawi ro Chinese player sa ikaywa ag ikatlong set agud nga makumpleto ro kadaeag-an.
Raya eon ro ikaywang sunod nga pagkapiyerde ni Eala sa WTA Tour matapos ro anang kapas-eawan sa Singapore Tennis Open kontra kay Tatiana Prozorova.
Para man kay Shi, raya ro ikatlong sunod nga daog kontra sa sangka top-100 player ag kauna-unahan nana nga pagdaog sa sangka WTA 1000 tournament.
Ginaeauman nga uman nga magasabak si Eala sa WTA 500 Ningbo Open nga maga-umpisa sa Oktubre 19 sa China.
