Naangkon ni Novak Djokovic ro kampeonato sa China Open matapos umatras si Alex de Minaur sa final bangud sa injury, adlaw it Martes sa Beijing.
Napiyerde si Djokovic sa unang set, 7-6 (7/3), bago eubusan nga owa eon ginpadayun ni de Minaur ro hampang sa ikaywang set.
Bangud sa kadaeag-an, nag-abot eon sa 34 nga sunod-sunod nga daog ro nairecord ni Djokovic sa Beijing ag naangkon nana ro anang ikapitong titulo sa China Open.
Raya eon ro anang unang titulo umpisa ko 2015 ag ika-102 career title.
Sa edad nga 39, naaangkon man ni Djokovic ro anang ika-21 nga magkasunod nga season nga may titulo.
Imaw hay 24-time Grand Slam champion ag padayun nga ginpabakod ro anang record bilang sambilog sa pinaka-madinaeag-on nga player sa kasaysayan it tennis.
