Ginpahayag ni Prof. Anna Malindug-Uy, geopolitical ag political analyst, nga bukon dapat it prayoridad it gobyerno sa makaron ro impeachment case kontra kay VP Sara Dutete.
Suno kana, sa ginapangatubang nga krisis it ekonomiya, kapareho it pag-taas it inflation, pag-naba it GDP growth, paglobo it utang it Pilipinas, ag dugang pa ro krisis sa enerhiya, ro pokus dapat it mga nakapungko sa pwesto hay ro pag-resolba sa rayang isyu.
Ro mga nasambit abi sigon nga problema hay indi eamang maka-apekto sa makaron kundi damay eon kara to paaeabuton it nayson.
Dugang pa nana, indi man matumod it pumueuyo kun ro pag-tao it atensyon sa impeachment hay sambilog sa mga tikang nga ginahimo para sa ‘accountability’ ukon raya hay parte it pagpamulitika, eabi eon ag naunang ginpahayag it bise presidente ro anang planong pag-daeagan sa presidential election.
Maabo sigon nga problema ro nasyon nga pwedeng taw-an it atensyon, apang haman ginapokusan eamang ro political process nga naga-separar nasyon.
paathag pa nana, sa makaron, ro kinahangean it Pilipinas hay pag-hiliugyon para atudbangon ro mga problema.
