Ginpakigbahin it Department of Tourism (DOT) nga aktibo eon sanda nga nakikipag-istorya sa Nation’s Girl Group, BINI, agud nga maging tourism ambassadors it Pilipinas.
Ginpahayag ni DOT Sec. Dita Angara-Mathay, adlaw it Martes, Mayo 26, ginpaabot nana nga kaparte it pakikipag-istorya nanda sa BINI ro pagkilaea sa pagpresentar it girl group sa global stage ko Abril.
Sa makaron, owa pa it sabat ro BINI sa tawag it DOT bangud sa andang masako nga preparasyon sa SIGNALS World Tour 2026.
Madumduman nga ginpasidunggan man it DOT ro BINI sa pagiging first Filipino act nga nakapag-perform sa Coachella.
Kaibahan man sa ginkilaea si Sophia Laforteza, nga sangka Pinay member it international girl group nga KATSEYE.
Nauna eon nga gin-aprubahan it Kamara ro House Resolution No. 93 nga nagakilaea sa BINI bilang “Nation’s Girl Group,” samtang ro Senate of the Philippines hay nagkaeasugot nga nagpasa man it kaparehong resolusyon bilang pagtamyaw sa grupo.
Ginaeakipan it mga miyembrong sanday Aiah, Colet, Maloi, Gwen, Stacey, Mikha, Jhoanna, ag Sheena, gin-perform it grupo ro pila sa andang mga hit songs kapareho it “Pantropiko” ag “Salamin, Salamin” sa sambilog sa pinakamabahoe nga music festival sa kalibutan.
