Sangka eubus eon nga licensed veterinarian ro aktres nga si Sharmaine Arnaiz matapos makapasar sa Veterinarians Computer-Based Licensure Examination.
Kaibahan si Sharmaine sa 1,083 examinees nga nagbo-oe it eksaminasyon sa sueod it tatlong magkasunod nga adlaw. Ginpaguwa it Professional Regulation Commission (PRC) ro resulta waeong adlaw matapos iselebrar it aktres ro anang ika-52 nga kaadlawan.
Natapos ni Sharmaine ro kursong Veterinary Medicine sa De La Salle University sa Malabon City haeos 20 anyos eon ro nakataliwan, maskin nga nabdos sa anang ikaywang unga kato.
Aminado ro aktres nga owa nana ginaeauman nga makapasar sa eksaminasyon rason nga nakatangis sa sobrang kalipay kat masayuran ro resulta.
Nagapasaeamat man imaw sa dating manager nga si Bibsy Carballo nga nag-engganyo kana nga padayunon ro anang pagtuon.
Dugang pa nana nga naging inspirasyon man kara ro anang mga unga nga madali eon lang nga magkolehiyo rason nga tiempo eon suno kana agud nga mataw-an it katumanan ro anang mga handum sa kabuhi.













