Masadyang ginpakigbahin it aktres nga si Michelle Vito ro andang engagement it longtime boyfriend nga si Enzo Pineda, sangka aktor, modelo ag military reservist.
Sa social media post ni Michelle, adlaw it Martes, Nobyembre 3, ginpakigbahin nana nga nag-yes imaw sa marriage proposal ni Enzo ko Oktubre 28, 2026.
Kaeakip sa post ro mga litrato halin sa Nice Print Photography, nga may caption nga, “And so, our forever begins,” bilang selebrasyon sa panibag-ong chapter it andang relasyon.
Bumaha man ro pagtamyaw halin sa andang mga kaibahan sa industriya ag mga netizen.
Ko Marso 2026, ginselebrar it magkarelasyon ro andang ika-an-um nga anibersaryo. Nagkakilaea sanda sa sangka fashion event sa Makati ag uman nga naging close kat magka-ibahan sa sangka teleseryeng Nang Ngumiti ang Langit ko 2019.
Matapos ro pilang dag-on nga relasyon, nakataeana nga pagasudlon nanday Michelle ag Enzo ro bag-ong chapter it andang pagmaeahaean paagto sa pagbaeayluhan it “I do.”
