Malipayon ro social media personality nga si Zeinab Harake ag ro anang asawa nga basketball player nga si Bobby Ray Parks Jr., bangud opisyal eon nga natapos ro legal nga proseso sa pag-ampon nanda kanday Lucas ag Bia.
Bangud kara, bilog eon ro pamilya Parks kaibahan ro daywang ka unga.
Sa anang pinaka-ulihi nga vlog, ginsaysay ni Harake ro proseso ag eksperyensya sa ginpatigayon nga adoption.
Nagaeaum man ro social media personality nga pinaagi sa pagsaysay it anang inagihan hay maabu nga mga Pinoy ro makaangkon it kasayuran ag pag-intindi sa proseso it legal adoption sa nasyon.
Nasayuran nga gin-ampon ni Zeinab si Lucas kat daeaga pa imaw samtang si Bea hay anang unga sa anang dating live in partner nga si Skusta Clee ukon Daryl Borja Ruiz sa matuod-tuod nga kabuhi bago nagpakasae kay Parks.
