-- ADVERTISEMENT --

Ginpasiguro it Department of Agriculture (DA) nga bastante ro suplay it mga produktong agrikultural masobra sa 30 diyas bago ro Paskwa hasta sa pagsug-aeaw it Bag-ong Dag-on.

Suno kay DA Assistant Secretary for Legislative Affairs Atty. Genevieve “Bebang” E. Velicaria-Guevarra, nagapabilin nga bugana ro suplay it mga produktong agrikultural hasta sa Disyembre.

Sa pihak kara, ginaeauman ro sangkiri nga pagtaas sa presyo it mga tinuea samtang nagapaeapit ro Paskwa, nga kaeabanan eon nga nagakatabu kada kapaskwahan.

Padayun man ro price and supply monitoring it DA sa nagkaeain-eain nga mga baealigyaan agud nga masiguro ro bastante nga suplay it mga nagapangunang baeak-eon.