Ginkumpirma it Department of Migrant Workers (DMW) nga eowas ag una eon sa maayos nga kahimtangan ro 19 nga Pilipinong tripulante it Liberia-flagged LPG tanker nga MT GAS HUSKY matapos tamaan it drone attack sa exclusive economic zone it Bulgaria sa Black Sea ko Nobyembre 17.
Suno kay DMW Secretary Hans Leo J. Cacdac, insigida nga gin-bakwit ro mga tripulante gamit ro life raft ag nasalbar it helicopter bago eubusan nga nag-eugdang ro barko. Daywa sa mga raya ro nag-angkon it minor injuries.
Temporaryo sanda nga nagatinir sa sangka hotel sa Bulgaria samtang gina-asikaso it DMW ro bulig medikal, travel documents, kompensasyon ag repatriation assistance.
Samtang, igasueong it DMW sa International Bargaining Forum (IBF) ro uman nga pag-usisa sa mga high-risk ag war-like zones agud nga maeakip ro southwestern portion it Black Sea kasunod it ap-at nga nailistang pag-atake sa mga barko sa lugar.













