Uman nga ginpabakod it Pilipinas ag United Nations ro partnership sa mas pa nga pagpabaskog it internasyonal nga kasuguan, kalinong, seguridad, ag climate action sa tunga it pangkalibutanon nga mga hangkat.
Gintalakay ni President Ferdinand Marcos Jr., ag United Nations Secretary-General Antonio Guterres ro mabugay eon nga relasyon it Pilipinas ag United Nations sa andang pagkita.
Ginpakigbahin man it Presidente ro mga progreso nga nahimo sa bag-o eamang natapos nga eleksyon sa Bangsamoro Autonomous Region in Muslim Mindanao (BARMM) ag ginpasaeamatan si Guterres sa anang pagpanguna ag pagpabaskog it climate action.
Sa pihak nga parte, ginkilaea man ni Guterres ro Pilipinas bilang sangka importante nga haligi it multilateralism ag ginpabahoe ro papel it mga regional organization kapareho it ASEAN, kamana man ro kinahangeanon nga mga reporma sa United Nations.













