Maka-ueugot para kay Prof. Danilo Arao it Universitiies the Philippines College of Mass Media anf Communication, ro mga nagakatabo sa nasyon.
Suno kana mabahoe ro epekto it nagatuhaw nga kinagamo sa Senado, kapin eon sa pumueuyo.
Halimbawa, bangud nga uwa naga-trabaho it tama ro senado, indi sigon ma-pasa ro mga dapat ipasa nga mga laye.
Nagaguwa eon sa makaron ro panawagan it minorya nga mag-halin sa pwesto ro presenteng Senate President nga si Alan Peter Cayetano, apang antes pa man raya hay maabo eon nga mga grupo, maskin mga indibidwal, ro nagpanawagan it pag-halin kara sa pwesto. Raya sigon hay bangud nga halin kat nagpungko imaw sa pwesto ag ginbuytan ro obligasyon it pagiging senate president hay madja naging mala-pelikula ag telenovela eon ro senado.
Paathag ni Prof. Arao, mabahoe ro posibilidad nga mag-buhi raya sa pwesto kun magapadayon ro ginahimo nga public pressure. Indi sigon dapat nga pabay-an eang ro sitwasyon bangud nga kun pabay-an eon lang sanda nga mag-ilinaway hay uwa it matabo bangud nga paeareho eamang nga maga-matig-a ro mag timbang nga bahin.
Padayunon sigon dapat ro pag-butang it pressure it pumueuyo bangud nga sa makarayang pamaagi hay mapilitan eon lang imaw nga magpanaog sa pwesto bangud kapin pang naga-eain ro imahe, bukon eamang it ana it Senado, kundi ro bilog nga Pilipinas.
