Sangka daog eon lang ro kinahangean agud nga maangkon it New York Knicks ro andang unang NBA championship sa masobra sa limang dekada matapos nga uman nga makapuntos kontra sa San Antonio Spurs, sa score nga 107-106, sa Game 4 it 2026 NBA Finals.
Kontrolado eon it Spurs ro hampang matapos makahimo it hasta sa 29-point nga abanse sa third quarter ag maglista it NBA Finals record nga 14 three-pointers sa first half. Apang owa nagsurender ro Knicks ag amat-amat nga ginbadbad ro mabahoe nga abanse sa likod it andang hugut nga depensa.
Sa ulihing segundo it hampang, napasueod pa ni Stephon Castle ro daywang free throws para ibalik ro abanse it Spurs, sa score nga 106-105. Apang sa nabilin nga 1.2 seconds, napasueod ni OG Anunoby ro pumalpak nga tira ni Jalen Brunson rason nga naagaw ro kadaeag-an para sa New York.
Eubusan nga naselyuhan it Knicks ro kadaeag-an matapos magkasaea ro Spurs sa andang final inbound play.
Raya eon makaron ro pinakamabahoe nga comeback sa kasaysayan it NBA Finals, naeampasan ro dating 24-point comeback record ko 2008.
Buyot eon it Knicks ro 3-1 series lead ag sangka daog eon lang ro kinahangean agud nga maiuli ro andang unang NBA title umpisa pa ko 1973.
