Ginpamilit ni Akbayan Party-list Rep. Perci Cendaña nga indi dapat ro mga unga ro magbayad sa kapalpakan ag kapas-eawan it mga ginikanan ag iba pang katigueangan nga taw-an sanda it baeay nga eowas sa anuman nga kinagamo.
Mensahe raya ni Cendaña kaeakip it anang pagkontra sa mga suhestiyon nga panabaan ro age of criminal responsibility.
Kasunod raya it pagpamaril it daywang menor de edad sa San Jose National High School sa Tacloban City ag iba pang kinagamo nga kahimuan it mga unga.
Bilog ro pagpati ni Cendaña nga ro pagka-eakot it mga unga sa kinagamo hay produkto it kapas-eawan it mga tamang edad ukon mas magueang nga ipabilin ro sangka sosyudad nga eowas ag malinong.
Saea para kay Cendaña nga ro mga unga ro magapanabat matapos pabay-an ro kinagamo nga ipatuman sa mga baeay ag eskwelahan.
