Masadyang ginpakigbahin it sangka crimonology graduate ro anang kadaeag-an sa pagiging sambilog halin sa 12,372 ka mga passers it NAPOLCOM Examination.
Suno kay John Marten Dalida, masadya imaw nga maeapit lang nana makuhit ro handum it anang ama para kana.
Sa pihak sigon nga bukon it pagiging pulis ro anang handum ku una, gin-pursige nana raya para tumanon ro bilin it anang ama para kana.
Paathag nana, uwa naging madali ro anang inagyan eabi eon sa pinansyal nga aspeto apang uwa man raya naging hadlang para nga padayunon ro anang pag-tuon.
Dugang pa ni Dalida, mageuwas sa pag-buoe it nasambit nga eksaminasyon, tuyo man nana nga mag-buoe sa masunod nga dag-on it Criminologist Licensure Examination.
Antes paman imaw nag-review para sa nasambit nga eksaminasyon, nag-usoy anay imaw it sideline para nga tustusan ro anang gaeastuson, ag para nga makabuhin-buhin sa pinansyal nga hangkat it andang pamilya.
Sa makaron, pagapadayunon sigon nana ro anang inumpisahan ag ginasigurado nana sa anang kaugalingon nga tumanon nana ro handom it anang tumaliwan nga ama para kana.
