KALIBO, Aklan — Ginpasiguro it Commission on Elections (COMELEC)-Aklan nga haeos kumpleto eon ro andang pagpahaum para sa Barangay ag Sangguniang Kabataan Elections nga nakataeanang pagahiwaton sa Nobyembre 2, 2026.
Suno kay COMELEC-Aklan spokesperson Chrispin Raymund Gerardo nga kapin sa 70 porsyento eon sanda nga preparado matapos nga aprubado ro andang list of voters ag project of precint.
Masunod nga pagatutukan it komisyon hay ro pag-appoint it mga teachers ag barangay officials nga maging board of canvassers.
Magapatigayon man sigon sanda it inspection sa mga eskwelahan nga magaserbing voting precinct agud nga masabat eagi ro mga makita nga kakueangan.
Sa pihak nga parte, ginpahayag ni Gerardo nga maga-umpisa ro Filing it Certificates of Candidacy sa September 28 hasta October 5, 2026.
Raya hay base sa andang calendar of activities. Maskin sigon nga maga-umpisa ro election period sa Oktubre 3 hasta Nobyembre 9, kun sa siin, nakaplastar ro mga patakaran ag ginabawae nga obrahon para sa kampanya ag tiempo it eleksyon, apang ro mga ginabawae sa pagpangampanya hay maga-umpisa sa Setyembre 28 ukon sa unang adlaw sa pag-umpisa it pagdihon it kandidatura.
Ro Election Period hay sa October 3 hasta November 9, 2026, kun sa siin, dikara naga-umpisa ro gun ban ag sa Oktubre 22 hasta 31 ro campaign period.
