Dismayado si Akbayan Party-list Representative Perci Cendaña nga owa eagi gin-aksyunan it Malacañang ro hirit nga sertipikahang urgent ro proposisyon nga P200 wage hike para mga trabahante sa bilog nga nasyon.
Reaksyon raya ni Cendaña matapos hambaeon ni Pangueong Ferdinand Bongbong Marcos Jr., nga ginatugyan pa kara sa “pagtuon” it mga regional wage boards ro wage increase.
Ginpamilit ni Cendaña, indi eon kinahangean nga tun-an pa ro proposisyon nga umento sa sweldo bangud ro realidad hay nagaka-eumos eon ro mga Pilipino sa pagtaas it presyo it mga baeak-eon.
Dugang pa ni Cendaña, ro proposisyon nga pataasan ro sweldo hay utang ni Pangueong Marcos sa mga trabahador nga dapat hay sa nagtaliwan nga Kongreso pa nana ginhimo nga laye.
Suno kay Cendaña, ASAP eon dapat ro paghimo nga laye it across the board minimum wage increase ag bukon it selected regions eang ag bukon man dapat nga sinsilyo ag installment ro pagtau.
