Ginkumpirmar ni Kalibo Municipal Police Station Chief, PLtCol. Jeric Vargas, nga sa inisyal nga imbestigasyon, pagpakamatay ag bukon krimen ro ginakabig nga rason it kamatayon it sangka Person Deprived of Liberty (PDL) sa Aklan Rehabilitation Center (ARC) no Hulyo 21.
Suno sa PNP, owa it nakita nga senyales it foul play.
Nakakita man ro mga imbestigador it suicide letter nga may pagpangayo it patawad sa ginikanan ag may impormasyon man nga antes it insidente nagtao it personal nga mga pagkabutang ro PDL sa anang mga kaibahan sa selda.
Ginhambae man nga uwa nagpasugot ro pamilya nga ipa-autopsy ro bangkay bangud ginbaton nanda ro resulta it inisyal nga imbestigasyon.
Ro PDL hay nagaatubang sa kaso nga robbery with homicide may kaangtanan sa insidente sa Makato ku 2024.
Padayon nga ginapanawagan it Kalibo PNP sa publiko nga indi magpakalat it uwa pa napamatud-an nga impormasyon samtang ginatapos ro imbestigasyon.
