Ginpaathag ni Atty. Harry Sucgang, sangka political analyst sa Aklan ro proseso it extradition matapos kumpirmahon it Department of Justice (DOJ) nga nakabaton ro Pilipinas it extradition request kontra kay Pastor Apollo Quiboloy.
Suno kana, ro extradition hay sangka legal nga proseso sa tunga it daywang nasyon nga may naga-iral nga extradition treaty.
Sa kaso it Pilipinas ag Estados Unidos, pwedeng hinyuon it sangka nasyon ro ro pagsurrender it akusado agud bistahon sa hurisdiksyon kun siin nakahathat ro kaso.
Dugang pa nana nga kun may ginapangatubang nga kaso ro sangka indibidwal sa Pilipinas, posibleng unahon rayang resolbahon antes ipatuman ro extradition, depende sa mga naga-iral nga laye, kasugtanan, ag desisyon it gobyerno.
Suno pa kana, mas mayad sigon nga daehon eon lang anay si Quiboloy sa U.S para nga serbihan ro anang sintensya ag uman rayon nga ibalik sa Pilipinas ag bistahon para sa anang kaso.
