Gina-proponer ni Senator Bam Aquino nga taw-an it P2,000 kada buean nga allowance ro mga persons with disabilities ukon PWDs.
Sa gin-file nga Senate Bill 2386 ni Aquino ukon ro National Disability Support Act, ginaduso nana nga makabaton ro mga kwalipikado nga PWD it nasambit nga allowance sa idaeum it National Disability Support Allowance Program.
Nakabaehag sa hagna nga pwede pa raya nga regular nga i-adjust base sa inflation para mapabilin ro balor kara sa pagtaliwan it paniempo.
Ginpahayag ni Aquino nga ro mga PWD hay nagapangatubang man it dugang nga gaeastusan sa andang pang-adlaw-adlaw nga kabuhi kapareho it transportasyon, healthcare, personal assistance, ag assistive devices nga importante para sa andang survival sa mga aktibidades, trabaho, ag sa pagpangabuhi sa komunidad.
Paathag it senador, ro nasambit nga allowance hay gindisenyo para ma-compliment ro ginapatuman nga social protection program ag mabuligan ro mga PWD nga magpangabuhi nga independent, makatapos sa pag-eskwela, maka-obra, ag aktibo nga makapasakop sa sosyodad.
Sa unang tatlong dag-on, plano nga prayoridad anay ro mga unga nga may kapansanan ag ro mga una sa tamang edad nga may grabe nga disability.
Sa masunod man nga tatlong dag-on, pagapabaskugon eon ro sakop kara para maeakip pa ro iba pang kwalipikado nga PWDs.
